மீண்டும்
விரைந்தோடும் வாகனத்தோடு
பின்னோடும் மரங்களூடு
மீண்டும் ஊருக்கே ஓடிப்போய் விடுகிறது
மனம்...
*********************************************************************************
தவிப்பு
தாழிட்ட எண்ணங்களை எல்லாம்
தாளில் இடும் நாள் நோக்கி
தவித்திருக்கும்
மனது
*********************************************************************************
இசை
இலைகளின் வழி வழிந்தோடும்
முன்காலை வெண்பனியாய்
உன்
இசையின் வழி கரைந்தோடுகிறது
என் மனது.....
*********************************************************************************
சொல் எனும் முத்து
முகிழ்ந்தெழும் வார்த்தைகளுக்குள்
மூழ்கிக்கொண்டே இருக்கிறேன்
இன்னும்
முத்தெடுத்தபாடில்லை நான்...
*********************************************************************************
இன்னும்...
எழுதாக் கவிதை
வரையா ஓவியம்
சொல்லா சொற்கள்
உதிராக் கண்ணீர்
வெடித்தெழாக் கோபம்
இன்னும் உண்டு என்னிடத்தே...
*********************************************************************************
நினைவில் காடுள்ள மிருகத்தை பழக்க முடியாதாம்...
நானும் அப்படித்தானோ?????????????
